Stóra ab-mjólkurmálið

Dagatalið segir að það sé komið sumar.  Dálítið fyndið en á Íslandi fögnum  við því og gleðjumst.  Í gærkvöldi að kvöldi sumardagsins ákváðum við að njóta þess að eiga loksins frídag saman og ég eldaði dýrindis indverskan kjúklingarétt.  Lagði fallega á  borð fyrir  fimm og Margrét systir, Snorri og Krissan mín skyldu njóta matarins með  okkur  Tomma.  Margrét kom með eðalrauðvín og ég bjó til salat og steikti pomadam brauð.  Allt var klárt - bara lokatötsið eftir.  Ég slökkti undir  matnum, opnaði ab-mjólk og hellti hálfum lítra yfir  matinn, bætti við hnetum, hrærði varlega og klippti kóreander yfir. 

Fannst lyktin ansi skrýtin...... í stað þess að njóta  kryddlyktarinnar fann ég bara angandi jarðaberjalykt.  Fannst þetta óskiljanlegt og smakkaði; maturinn  sem í fóru tveir heilir  hvítlaukar, sex chili, hálfur staukur  af karrýi, heilt búnt af kóreander og ýmsu öðru góðgæti var eins og jarðaberjasúpa.  Þetta stóðst  ekki og ég kíkti á  umbúðirnar  á ab- mjólkinni.  Það var hefðbundin ab-mjólkurferna það fór  ekki á milli mála.  Rak puttann í mjólkina og sleikti.  Í ab-mjólkurfernunni var jarðaberjajógúrt. 

Þá kemur  að neytendamáli.  Hver er ábyrgð Mjólkurbús Flóamanna?  Skulda þau mér 1 lítra af ab-mjólk eða eldaða  máltíð fyrir fimm?  Mér finnst svarið augljóst..................

Síðar sama dag:  Mjólkurbú Flóamanna kann neytendamál og bætti skaðann að sjálfsögðu..........nú skulda ég Snolla mínum annað matarboð.

Athugasemdir

[Árni Birgisson, 25.4.2008 kl. 22:17]

Sveeeekkkkkkkk.

Ahuuu.....þú átt samúð mína alla.  Mig grunar þó að menn hafi metið viljann fyrir verkið.

Árni frændi

[Álfhóll, 26.4.2008 kl. 09:53]

Elsku Árni minn þriggja barna faðir..........  hlakka mikið til að sjá minnsta dreng, auðþekkjanlegur  á sínu fólki samkv. myndum.   Myndi hvetja þig til þess að  sinna bloggu ef ég vissi ekki hvað þú hefur  mikið að gera með stóra fjölskyldu.

Bestu kv. Gunna