Kötludagur

Alveg agalegt þetta með myndavélina mína, líklega rétt hjá  Hrossinu. Gleymdi henni hjá Begga og Rósu um helgina. 

Finnst að ég myndi taka alveg ótrúlegar myndir af litlu skotti sem nú sefur í ömmurúmi.  Mánudagar eru frídagarnir mínir og þeim ver ég með minnsta afkomandanum mínum.  Mér finnst það mesti lúxus í lífi mínu að leyfa mér það.  Föstudagarnir voru áður svona sparidagar með fyrst Önnu og svo Tomma.

Nú er það Katlan.  Hún er á þvílíkum þroskaspretti.....Langt síðan við Þóra töldum tuttugu orð, hættar að nenna að telja.  Það gerist eitthvað nýtt á hverjum degi.  Í dag uppgötvaði hún vökvunarkönnuna mína og er búin að margbaða sig upp úr henni sér til mikillar ánægju.  Að auki fæ ég stundum úrvals heimsóknir á þessum  degi.   Í hádeginu kom Margrét systir og sat með mér og dáðist að Kötlunni í langa stund...... mal, mal, mal.......

Athugasemdir

[Kristín Alma Sigmarsdóttir (IP-tala skráð) 23.4.2007 kl. 23:08]

Það þarf að vera ein svona Katla á hverju heimili.

Allavega mætti vera ein á mínu.