Ævintýralegi töskumarkaðurinn á Stígamótum í dag og á morgun

Ritstjórn Álfhóls hefur ekki komist á flug um tíma, þrátt fyrir veikburða tilraun. Ristjórnin braut eigin ritstjórnarstefnu og fór að akitera fyrir ýmsu sem Stígamót standa fyrir. Það verður nú gert í síðasta sinn í bili. Svo fer undirrituð að huga að einkalífinu sínu.

 Ævintýralegi töskumarkaðurinn er í dag og á morgun sunnudag kl. 11-18 hjá Stígamótum v. Hlemmtorg

Það er núna um helgina sem þú getur gert ótrúlega góð kaup hjá Stígamótum.   Það er eins konar uppskeruhátíð góðærisins hjá okkur um helgina.  Fleiri þúsund veski og tösku af öllum stærðum og gerðum eru til sölu hjá okkur.  Bæði uppboðstöskur, antiktöskur, merkjavörur, handgerðar töskur, gamlar og snjáðar og risaprúttmarkaður í kjallaranum.    Hverri tösku fylgir skjal um að kaup töskunar hafi styrkt starfsemi Stígamóta.  Starfskonur Stígamóta eru harðákveðnar í að halda úti gæðaþjónustu í kreppunni og það kostar peninga. 

Á uppboðinu má fá töskur gefnar af Björk Guðmundsdóttur, töskuna sem Silvía Nótt var með á Eurovision, tösku með óbirtu jólaljóði Gerðar Kristnýjar, tösku með ljóði eftir Björgu okkar Gísladóttur, tösku með listaverki eftir Körlu, tösku með boði um þrjá magadansa í afmæli þess sem fær töskuna, tösku sem fylgir afmælisterta á afmæli nýja eigandans, vandaða skjalatösku frá Steingrími J, listaverkatöskur eftir Bjargeyju Ingólfsdóttur o.s.frv.  ónotaðar Gucci, Prada o.s.frv. 

Það er bara núna um helgina sem tækifærið býðst og við erum í þessu fallega og þekkta  húsi við Hlemmtorg. 

Athugasemdir

[Halldóra Halldórsdóttir, 19.12.2008 kl. 11:32]

Ekki í dag Guðrún! Á morgun bara.

[Halldóra Halldórsdóttir, 19.12.2008 kl. 11:32]

Og frá kl. 13 - 17!

[Ingibjörg Kristleifsdóttir (IP-tala skráð) 23.12.2008 kl. 10:08]

Gleðileg jól elsku besta góða til þín og allra þinna.

ps finnst þér ekki eðlilegt að börn 0-8 ára í Fljótstunguættinni fái spil fyrir 12-99 ára ?

[Álfhóll, 23.12.2008 kl. 18:27]

Gleðileg Jól Inga mín. Jú elskan, þú ert alveg með þetta á hreinu.  Hjartans kveðjur Guðrún