Guðný Björk Halldórsdóttir - upprennandi skáldkona

Á Hóli mælum við með útvarpsþættinum Stjörnukíki. Í þættinum er m.a. rætt um barnamenningu og þáttarstjórnendur eru einstaklega smekklegt fólk.  Um daginn var rætt við unga upprennandi skáldkonu, en hún er einmitt ömmustelpan hennar Brynju systur. Guðný Björk sem er níu ára las upp eftir sig sögur og ljóð og sagði frá skrifum sínum.  Alveg yfirveguð og afslöppuð eins og hún væri að spjalla við eldhúsborðið heima hjá sér.  Klár og skemmtileg stelpa sem okkur þykir mikið til koma eins og sjá má á þessari gömlu mynd af henni og Önnsunni minni sem mænir upp á hana á myndinni sem tekin er í  Fljótstungunni góðu þar sem langalangamma þeirra og afi bjuggu á sinni tíð.  Upptökuna má finna á þessari slóð: http://dagskra.ruv.is/streaming/ras1/?file=4358782

Athugasemdir

[Kristín Tómasdóttir (IP-tala skráð) 4.12.2007 kl. 19:58]

Augljóslega ofurkona á ferð!

[Sóley Tómasdóttir (IP-tala skráð) 5.12.2007 kl. 01:07]

Legg til að Femínistafréttastofan tali við þessa kjarnakonu. Hún er alvöru!