Samkvæmisljónin á Álfhóli

Samkvæmislíf okkar Álfhólshjónanna er misfjörugt, en þessa dagana er brjálað að gera hjá okkur.  Tommi á 25 ára íþróttakennaraafmæli og í tilefni af því fórum við austur í sveitir með ansi öflugum hópi íþróttakennara sem nær allir eru að gera eitthvað annað en að kenna íþróttir. Samkvæmið hófst um hádegi í gær á Forsæti og gist var á hótel Rangá í nótt. Skemmtidagskráin var samfelld í 12 tíma, með ratleik, miklum matarveislum, glaumi og gleði. 

Í dag á húsbóndinn á Álfhóli 55 ára afmæli og börnin okkar, tengdabörn og barnabörn færðu sjálfum sér þess vegna fíneríis kaffivél að gjöf sem staðsett verður á Hóli.  Vélin er arftaki Ufesunnar sem var einhver mesta græja sem komið hafði á heimilið, en var hent fyrir nokkrum árum vegna notkunarleysis. 

Á morgun verður árshátíð vinnunnar minnar staðsett á heimilinu og stendur mikið til.  Ég fór og keypti nýjan dúk í tilefni af því, líklegast fimmtugasta dúkinn minn, ég elska dúka. 

Athugasemdir

[diana (IP-tala skráð) 29.4.2007 kl. 18:20]

Afmæliskveðja til húsbóndans á Álfhóli

kv Día og co

[Álfhóll, 29.4.2007 kl. 18:43]

Takki takk, skila því. gj

[Sóley Tómasdóttir (IP-tala skráð) 29.4.2007 kl. 20:29]

Það mætti nú alveg segja frá því hvernig frumburðir tveggja kynslóða Álfhólsfjölskyldunnar mættu á Hólinn. -Og þaðan í Laugardalslaugina. -Og svo úr Laugardalslauginni á Ljósvelli...

[Kristín T (IP-tala skráð) 29.4.2007 kl. 23:50]

Ertu til í að birta alltaf þessa mynd af mér við trampólínið þegar þú ætlar að skrifa eitthvað um mig?