Mánudagar eru Kötludagar á Álfhóli

Það er notalegt að hafa litla snuddustelpu sofandi í afa og ömmurúmi.  Hún er búin að vera svo kelin í dag. Við ömmgurnar vorum sammála um að forgangsmál dagsins væri að barnið fengi að kúra og kela og halda í putta eins mikið og hana lysti.  Og það hefur hún einmitt gert. Svo lásum við dýrabókina.  Í dag hef ég jarmað og mjálmað og urrað og hneggjað af mikilli innlifun og svo höfum við Katla sungið og dansað við hið sívinsæla atti katti nóa lag. Get bara ekki hugsað mér betri skemmtun.  Svo læt ég fljóta hér með að ég á fleiri barnabörn sem kíktu á ömmuna sína í gær og voru yndisleg eins og alltaf.

En Félagsheimilið Álfhóll er lifandi að vanda og nú er Biggi "fjandi" mættur til þess að kynnast barnabarni nr. 12 Ástrósu Söru Sigurveigar og Guðmundardóttur og okkur til mikillar ánægju ætla þau Steinunn að vera hjá okkur þessa viku.

Athugasemdir

[kristín Tómasdóttir (IP-tala skráð) 29.1.2007 kl. 22:51]

ég veit nú ekki betur en ég hafi líka eytt dágóðri stund á Álfhóli í dag. Hversvegna er ekki mynd af mér hérna? 

Kv Kristín Tómasdóttir 

[Guðrún Jónsdóttir (IP-tala skráð) 30.1.2007 kl. 15:35]

Elsku barnið mitt, ef skrá ætti allar heimsóknir á Álfhól myndi ég sprengja tölvuna, en það er sannarlega rétt hjá þér að þið Garðar komuð eins  og englar og elduðuð frábæran mat handa okkur öllum. 

Þessi beygluréttur fer beint inn í klassikera í eldhúsinu okkar

mamma þín