Með sól í hjarta og söng á vörum...............

Ég ætla að deila því með lesendum Álfhólsnetmiðilsins að ég er á leið til  Kanaríeyja  með mömmu minni og Kristínu systur  minni.  Við ætlum  að fara í  viku stelpnaferð og njóta hverrar einustu mínútu.   Við hlökkum allar rosalega til eftir þennan dimma  og snúna vetur. 

Sjálfri finnst mér  helmingurinn af  skemmtuninni að hlakka  til og sérstaklega að hlakka til með ferðafélögum mínum.  Ég hringi til mömmu nokkrum  sinnum á dag og syng fyrir hana sólarlög.  Ég er búin að syngja "Ég fer í fríið" og "á Spáni get ég skemmt mér  fyrir  lítið fé"  reyndar örugglega ekki satt. Var að ljúka við sönginn "Með sól í hjarta" og er að semja  prógrammið fyrir  morgundaginn.   Ég á eftir  að syngja "Ó blessuð vertu sumarsól" "Sól, sól skín á mig" og ýmislegt fleira.  Ég syng fyrir mömmu eins  og lungun leyfa og mér finnst ég syngja  þetta listavel!  Fór meira  að segja  í  ljósatíma áðan  til þess að  undirbúa húðina.  Skelli með myndum sem eru táknrænar fyrir stemninguna  sem ég er með í huga.

Athugasemdir

[Kristín Björk (IP-tala skráð) 31.3.2009 kl. 12:06]

ÚFF hvað ég væri til í að fara í svona ferð núna! Vona að þið hafið það gott og skemmtilegt! Góða ferð!

Annars stendur "Sólarsamba" líka alltaf fyrir sínu - enda júróvisjónlag ;). Bara svona ef þú yrðir uppiskroppa með sólarlögin...

[Álfhóll, 31.3.2009 kl. 12:58]

Kristín Björk mín, þú ert að sjá fyrir endann á náminu þínu, bara að spýta í lófana og svo ferð þú einn daginn með þína gömlu mömmu á Kanarí.

Bestu kv

[Dísa Dóra, 31.3.2009 kl. 16:28]

Hafðu það yndislega gott í fríinu þínu - bara frábært að skella sér svona í stelpnaferð