Sumarið nálgast............

Er komin í heilsuátak nr. ca. 1500.  Markmiðið er  að  verða í  nógu góðu formi í  sumar til þess að njóta góðra  gönguferða.  Á dagskrá  er ganga um gamla Kjalveg frá Hveravöllum að Hvítárvatni - með vinunum mínum lipru.  Eftir það  stefni ég á Sveinstind  við Langasjó í fjögurra daga  göngu með Sóleyju systur  minni, manninum mínum og þeim öðrum sem vilja vera með...

Þarf að fara  að klífa  tinda í rólegheitum. Byrja t.d.  á Helgafelli, svo e.t.v. að labba að Glym, svo fer  ég á Akrafjall og það meira  sem ég nenni.  Ákveðin í að fara  a.m.k. tvær Esjuferðir.   Meðfylgjandi myndir eru úr Stakkholtsgjá og ofan af Valahnjúk.   Ágætu vinir  og ættingjar hnippið í mig ef  þið viljið vera með.................mér finnst  ekkert skemmtilegra en góð gönguferð með skemmtilegu fólki ef ég  kem mér  út úr húsi.

Athugasemdir

[fífa (IP-tala skráð) 24.3.2009 kl. 16:28]

ég gekk einusinni um gamla kjalveg, það var gaman. þú kannski hnippir í mig þegar þú ætlar af stað í gönguæfingarnar, ég er meira en til

[Álfhóll, 25.3.2009 kl. 13:37]

Já, væri gaman að skreppa í göngutúr með þér og líka að heyra meira um gamla Kjalveg, mín elskulega Fífa.