Á ferð og flugi

Kom heim í gærkvöldi frá Litháen.  Þar var ég á fundi í tengslum við öflugt mansalsverkefni og í framhaldinu á ráðstefnu um sama efni.  Hafði innlegg báða dagana um stöðuna á Landinu bláa.  Stundum gæti ég eins haldið til á Grandhóteli eða Sögu, var sótt á flugvöllinn og vann allan tímann fram að brottför.  Stalst út að borða tvisvar og var með vonda samvisku því dagskráin var svo þétt. Það vill til að þátttakendur í verkefninu eru að hristast vel saman og verkefnið að byrja að skila árangri.  Gott að tilheyra Nordisk/Baltiskri fjölskyldu sem er  að paufast í sömu verkefnum. 

Er að fara í fyrramálið til Portúgal á mansalsráðstefnu hjá Evrópusambandinu og eftir þá ráðstefnu og eftir Litháenferðina og Geysisverkefnið góða verð ég rosalega vel nestuð til þess að selja stjórnendum íslenskra stofnanna  og ráðherrum framkvæmdaáætlun gegn mansali, byggða á nýjustu og bestu þekkingu og yfirsýn!

Verð svo heima í viku áður en ég fer aftur  til Litháen til þess að tala á ráðstefnu Evrópsku kvennaathvarfahreyfingarinnar um empowerment.   Verð svo heima í mánuð áður en ég fer af stað aftur............meira um það síðar. 

En ég verð að segja  að heima er best!!! Búin að eiga góðan dag með Tomma, mömmu og pabba, Begga og Rósu, Sóleyju Aart, Tomma  og Önnu og Þóra  er á leiðinni með litla ungann minn sem ætlar að lúra hjá  ömmu og afa. Tomminn minn frammi í eldhúsi að elda  handa mér góðan mat.......lívet er ikke det verste jeg vet...........

Athugasemdir

[Kristín Tómasdóttir (IP-tala skráð) 6.10.2007 kl. 18:47]

Þú hefur greinilega ekki mikla þörf fyrir að hitta mig...

[Álfhóll, 6.10.2007 kl. 20:57]

Krissan mín, ég elska þig og þú svarar ekki símanum þínum.

Mamma þín

[Árni Birgisson, 7.10.2007 kl. 10:21]

Gunna.  Þú ert baaaarrrrrraaa flott!  Við Íslendingar erum lánsöm að eiga réttsýnan baráttujaxl eins og þig. bkv. Árni frændi. 

[Álfhóll, 10.10.2007 kl. 09:42]

Árninnn minn.  Ef ég er í lagi, þá er það  ekki síst vegna góðs stuðnings úr minni nánustu fjölskyldu.  Karlar eins og þú og pabbi þinn og bróðir hans pabba þíns sem er maðurinn minn, bróðir minn, faðir, einhverjir tengdasynir og dóttursonur eruð mér stöðug hvatning og gera það að verkum að ég man eftir því að karlar geta verið algör dásemd.......