5.10.2008 | 17:35
Svei mér þá ef ég fer ekki að prófa mig áfram á blogginu aftur...
Það voru nokkrar ástæður fyrir því að ég hætti að blogga á sínum tíma. Áttaði mig á því að það sem var hvað persónulegast og skipti mig mestu máli, átti ekki heima í þessum sýndarheimi. Langaði alls ekki að deila því með hverjum sem væri. Og þá hefði verið falskt að skrifa um daginn og veginn eins og ekkert hefði í skorist.
Síðan ég skrifaði seinast hefur margt og mikið gerst í mínu lífi og annarra Álfhólsbúa. Nenni ekki að fara að tíunda það. Þess ber þó að geta að við höfum það öll alveg ljómandi gott miðað við rosalegar sviptingar í fjármálaheiminum.
Það nýjasta sem sameinar okkur öll í mikilli eftirvæntingu er þessi yndislega hvolpastelpa sem Krissan mín er að fara að eignast eftir tæpan mánuð. Er vægast sagt spennt og hef ekki hugmynd um hvort ég muni verða svo lánsöm að fara að elska hana og tengjast henni. Er alltaf hrædd um að ég hafi ekki pláss fyrir fleiri að láta mér þykja vænt um. Við sjáum til.
Athugasemdir
Lysi anaegju minni her med ad tu hafir akvedid ad hefja blogglif ad nyju. Hundurinn er algjort beauty hlakka til ad kola ad klappa henni. Of. Fraenka ykkar
snjolaug fraenka (IP-tala skráð) 6.10.2008 kl. 21:08
Gunna mín
Það hvarlaði ekki að mér að það ætti eftir að koma hundur inn á mitt heimili og hvað þá að mér ætti eftir að fara þykja vænt um hann, þar sem ég er nú engin hundavinur . En þegar ég sá litla hvolpaskottið mitt fyrst þá bara var ekkert aftur snúið, hann bræddi mig alveg :-) Ég er alveg viss um að litla hvolpastelpan á sko eftir að bræða þig á fyrsta degi.
Kveðja Pála hundamamma
Pála (IP-tala skráð) 8.10.2008 kl. 12:02
Takk fyrir þetta Pálan mín. Hingað til hef ég tengst mínu fólki og jafnvel krökkum mágs míns og "systur". Veit bara aldrei fyrirfram.. svo ég segi eins og þú sagðir áður en Brúnó kom til þín; "svolítið spennt og svolítið kvíðin". Bestu kveðjur og farðu nú að sýna okkur hundinn þinn.
Gunna
Álfhóll, 8.10.2008 kl. 15:03
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.