Livet er ikke det værste jeg vet!

Ég er svo margt.  Í þessum fjölmiðli kemur fram miðaldra ættmóðir sem nýtur einkalífsins síns í botn og kastar tilviljanakenndum sýnishornum af því út á netið.  Þessa stundina hef ég ekki alvarlegri áhyggjur en þær hvaða dúk ég eigi að nota á mánudaginn þegar ég hýsi árshátíð Stígamóta heima hjá mér.  Ætti ég að nota stóra hördúkinn sem ég keypti fyrir nokkrum árum, en ég á einmitt tauservéttur með honum, eða ætti ég að kaupa nýjan sem ég er búin að sjá? 

Í vinnunni í dag var ég urrandi feministi sem tók á móti einum bekk úr menntaskóla, útvarpsmanni og sænskri sendinefnd með meiru.  Náði svo góðu sambandi við Svíana að þær ræddu um að bjóða mér til Gotlands.  En hvorn dúkinn ætti ég annars að nota?

 

Athugasemdir

[Steinunn (IP-tala skráð) 26.4.2007 kl. 21:11]

Takk fyrir síðast.Held að þú ættir að nota hördúkinn með servíettunum.Hlakka til að sjá ykkur.Kveðja frá Ísó.

[Álfhóll, 26.4.2007 kl. 21:18]

Takk fyrir síðast sömuleiðist Steinunn mín.

Ekki skrýtið að þú mælir með hördúknum, þú varst með mér úti í Portúgal þegar við keyptum hann.

kv. gj

[Thelma Ásdísardóttir, 27.4.2007 kl. 16:27]

Hvað sem þú nú ákveður að gera í dúkamálum, kæra samstarfskona, hafðu það þá leyndarmál, enda fátt skemmtilegra en gott leynibrall...

[sni (IP-tala skráð) 27.4.2007 kl. 19:32]

hæ

[Lilla P... (IP-tala skráð) 27.4.2007 kl. 19:35]

P... mia, ef þú þarft að strauja dúkinn skaltu kaupa nýjan, annars skaltu nota þann gamla!!!

L.P.